Նախկին իշխանությունը փորձում է Դոն Պիպոյից վրեժխնդիր լինել Մանվել Գրիգորյանի՞ համար․ նոր իշխանությունը պետք է կանխի ապօրինությունը

Արթուր Ասատրյանի (Դոն Պիպոյի) կալանքը 2 ամսով երկարաձգվել է։ Ասատրյանի պաշտպան Գեղամ Հակոբյանը որոշումն անօրինական է համարում և այն բողոքարկել է ՀՀ Վերաքննիչ քրեական դատարանում՝ խափանման միջոցը վերացման,  կամ գրավի կիրառման համար:

 NEWSPRESS.am-ի տեղեկություններով օգոստոսի 11-ին, միայն ուշ երեկոյան են հայտնել պաշտպաններին, որ դատական նիստի օրը փոխվել է և հենց այդ օրն են որոշել անցկացնել այն։

Թե ինչով է պայմանավորված այս շտապողականությունը, իհարկե դատական համակարգի համապատասխան ներկայացուցիչները կարող են յուրովի բացատրել, սակայն մեր տեղեկություններով իրականությունն այն է, որ նախկին իշխանության կողմից դեռևս կան ճնշումներ դատական համակարգի վրա, և նրանց ձեռնտու չէ, որ Դոն Պիպոն հայտնվի ազատության մեջ։

Նույն տեղեկությունների համաձայն ճնշումներ կան անգամ հենց դատավորի վրա։ Թեև, ըստ օդում կախված լուրերի վերջինս ինքն է ապօրինի համարել Արթուր Ասատրյանին կալանքի տակ պահելու միտքը, սակայն նրան «համոզել» են։

Այստեղ նաև ուշագրավ է, որ թեև Արթուր Ասատրյանին մեղադրում են 3 քաղաքացու առևանգման և ապօրինին զենք-զինամթերք պահելու մեջ, սակայն, առանց այդ Ասատրայնին կալանավորում ու այդ կալանքը երկարաձգում են։

Գաղտնիք չէ, որ Էջմիածնում Դոն Պիպոյին հարգում և ընդունում էին որպես բարերարի, ինչը դուր չէր գալիս Մանվել Գրիգորյանին, ով իր բդեշխությունն էր հաստատել քաղաքում և ստիպում էր էջմիածինցիներին երկրպագել իրեն։ Մրցակիցներին նա չէր հանդուրժում, իսկ այս դեպքում նրա մրցակիցը կամ հակառակորդը, ինչպես ինքն էր որակում, Արթուր Ասատրյանն էր։ Թեև ի տարբերություն Գրիգորյանի, Արթուր Ասատրյանին էջմիածինցիներն ընդունում էին իր բարեգործությունների ու լավ տեսակի համար՝ առանց որևէ պարտադրանքի։

Այս առումով չի բացառվում, որ դատական համակարգի վրա ճնշումներ գործադրելով և Դոն Պիպոյի կալանքը երկարաձգելով, նախկին իշխանությունը փորձում է Մանվել Գրիգորյանի վերժը լուծել նրանից։

Ինչևէ, ամեն դեպքում կա ակնհայտ ճնշում և Ա․Ասատրյանը անօրինական հիմքով է կալանքի տակ պահվում։  Այդ մասին ակնարկել է նաև Արթուր Ասատրյանի պաշտպանը՝ Գեղամ Հակոբյանը։ Նա մասնավորապես նշել է․

«Դատարանում քննիչը որեւէ հիմք չի ներկայացրել, որ Արթուր Ասատրյանի կալանքի տակ մնալն անհրաժեշտ է և հիմնավորված գործի նյութերով, որևէ փաստական տվյալ չհետազոտելով՝ դատարանը կայացրեց ակնհայտ ապօրինի դատական որոշում: Այն իրողությունները, որ Հայստանում դատական համակարգը փոխվել է, էս պարագայում մենք հակառակին ենք ականատես լինում՝ կամ պատվերով արդարադատություն էր, կամ դատավորը կոմպետենտ չէր»․․․

Միացեք Armenia Today Ֆեյսբուքյան խմբին։

Եթե Ասատրյանի պաշտպանը սխալվում է և նաև մեր ունեցած տեղեկությունները սխալ են, ապա նոր իշխանությունը՝ Նիկոլ Փաշինյանի գլխավորությամբ, թո՛ղ հարցին արդար լուծում տա, և ապօրինի կալանքից ազատի Արթուր Ասատրյանին։

http://newspress.am/?p=86128&l=am/naxkin+ishxanutyuny+pordzum+e+don+pipoyic+vregxndir+linel+manvel+grigoryani+hamar+nor+ishxanutyuny+petq+e+kanxi+aporinutyuny

Be the first to comment on "Նախկին իշխանությունը փորձում է Դոն Պիպոյից վրեժխնդիր լինել Մանվել Գրիգորյանի՞ համար․ նոր իշխանությունը պետք է կանխի ապօրինությունը"

Leave a comment

Your email address will not be published.


*